Монгол Улсын Хөгжлийн төлөв байдлын шинжилгээ - 2024 ОНЫ НЭМЭЛТ ТОДРУУЛГА: ХУРААНГУЙ

Монгол Улсын 2024 оны хөгжил, ахиц дэвшлүүд нь 2023-2027 онд хэрэгжүүлэх Нэгдсэн Үндэстний Байгууллагын Тогтвортой хөгжлийн хамтын ажиллагааны хүрээ (НҮБ-ын ТХХАХ)-ний хэрэгжилтэд хэрхэн нөлөөлж буйд үнэлгээ дүгнэлт хийхээр Монгол Улсын Хөгжлийн төлөв байдлын шинжилгээний (ХТБШ) 2024 оны шинэчилсэн хувилбарыг боловсрууллаа. НҮБ-ын ТХХАХ баримт бичгийг боловсруулах зорилгоор 2021 онд хийсэн Монгол Улсын хөгжлийн төлөв байдлын шинжилгээний үндсэн агуулга хүчинтэй хэвээр байх бөгөөд 2024 оны шинэлэг мэдээллээр уг шинжилгээг нэмж баяжуулсан  болно. 

ХТБШ-ний 2024 оны шинэчилсэн хувилбар нь ТХХАХ-г хэрэгжүүлэх үйл ажиллагааны тэргүүлэх чиглэл, үр дүнд өөрчлөлт оруулах шаардлагагүйг баталж байна. Гэсэн хэдий ч Засгийн газрын үйл ажиллагааны хөтөлбөрийг хэрэгжүүлэхэд НҮБ-ын багийн үр дүнтэй дэмжлэг үзүүлэхийн тулд Хамтарсан ажлын төлөвлөгөөний холбогдох дэд үр дүнг тэргүүлэх чиглэл болгон тодорхойлох буюу шинэ хамтарсан хөтөлбөр боловсруулж хэрэгжүүлэх шаардлага үүсч болзошгүйг онцолжээ.