Монгол Улсын Хөгжлийн төлөв байдлын шинжилгээ 2023 Шинэчилсэн

2021 онд нийтэлсэн Монгол Улсын Хөгжлийн төлөв байдлын шинжилгээ (ХТБШ) нь макро түвшинд хийсэн өргөн хүрээтэй судалгаа шинжилгээний үр дүнг агуулсан байдаг. Улмаар уг шинжилгээг 2022 онд нэмэлт шинэ мэдээллээр баяжуулан шинэчилж нийтэлсэн. Түүний нэгэн адил энэхүү танилцуулж буй 2023 оны Монгол Улсын ХТБШ нь 2023 онд шинээр өрнөсөн үйл явц, ололт амжилтыг судлахын зэрэгцээ 2021, 2022 оны ХТБШ-нд тусгагдаагүй зарим асуудалд түлхүү дүн шинжилгээ хийхэд чиглэсэн. Энэ утгаараа 2023 оны шинэчилсэн ХТБШ нь 2021 оны ХТБШ-ний арга зүй, агуулгыг хэвээр үргэлжлүүлэхийн зэрэгцээ илүү шинэлэг нэмэлт мэдээллээр арвижуулсан шинжилгээ болсон.