Хайх

Бидний амьсгалж буй агаар нэг

2019 оны 11-р сарын 26-ны өдөр Нэгдсэн үндэстний байгууллага (НҮБ)-ын Ерөнхий Ассамблейн 74 дүгээр чуулганы Хоёрдугаар хорооноос жил бүрийн 9-р сарын 7-ны өдрийг “Цэнхэр тэнгэрт цэвэр агаар” Олон улсын өдөр (цаашид өдөр гэх) болгон тэмдэглэж байх тухай тогтоол баталсан билээ.

Дэлхий нийтээрээ энэ өдрийг гурав дахь жилдээ буюу 2022 онд тэмдэглэх гэж байна. Энэ жилийн сэдэв бол “Бидний амьсгалж буй агаар нэг” юм

Монгол Улсын санаачилгаар боловсролын салбарын шинчлэлийг хурдасгах, хүнсний тогтвортой тогтолцоог бий болгох, хүртээмжтэй эдийн засгийг тэтгэж, байгаль экологийн тэнцвэрийг хадгалах зэрэгт томоохон түлхэц өгч буй дижитал шилжилтийн талаар улс орнуудын туршлага солилцох яриа хэлэлцээрийг эхлүүлэхээр Монгол Улсын Цахим хөгжил, харилцаа холбооны яам, Монгол дахь Нэгдсэн Үндэстний Байгууллага хамтран 2022 оны 09 дүгээр сарын 5-6-ны өдрүүдэд “Олон улсын цахим шилжилтийн яриа хэлэлцээ-2022” олон улсын хурлыг цахимаар анх удаа зохион байгуулах гэж байна.

• Улаанбаатар хот – Монгол Улсын Ерөнхийлөгч Ухнаагийн Хүрэлсүхийн урилгаар энэ сарын 8-11-ний өдрүүдэд Монгол Улсад айлчилж буй НҮБ-ын Ерөнхий нарийн бичгийн дарга (ЕНБД) Антонио Гутеррeш, Монгол Улс нутаг дэвсгэрээ цөмийн зэвсэггүй бүс хэмээн зарласнаар цөмийн зэвсгийг үл дэлгэрүүлэх, зэвсэг хураах бодлого баримталж буйгаа олон улсын хамтын нийгэмлэгт харуулж чадсаныг сайшаав.   

• Улаанбаатар хот --  Өнөөдөр зохион байгуулсан "Хувьсаж буй боловсрол" үндэсний хэлэлцүүлгээр насан туршдаа суралцах боломжийг өөртөө агуулсан аюулгүй, чанартай, уян хатан, дижитал технологийн тэгш хүртээмжтэй байдлыг хангасан  боловсролын тогтолцоо бол Монгол Улсын боловсролын ирээдүй гэж томьёолов.