НҮБ-ын төрсөн өдрийг хамтдаа тэмдэглэе!

НҮБ-ын 80 жилийн ойг тэмдэглэх аянд хэрхэн нэгдэх вэ?

10 сарын 20-24: НҮБ-ын 7 хоног

Даян дэлхийд энх тайван тогтоож, хүний эрхийг хамгаалж, хөгжил дэвшлийг хамтран тунхагласан НҮБ-ын Дүрэм хүчин төгөлдөр болсон 10 дугаар сарын 24-ны өдрийг “НҮБ-ын өдөр” хэмээн тэмдэглэдэг уламжлалтай. Энэ жил 80 жилийн ойгоо тэмдэглэж буй энэхүү түүхт байгууллагатай танилцаж, мэдлэгээ нэмэгдүүлэх, НҮБ-ын зорилгыг дэмжин оролцохыг хүссэн сургууль, багш сурагчдыг нэгдэхийг урьж байна.  

Энэхүү аянд нэгдсэнээр хүүхэд, залуучууд та бүхэн даян дэлхийд энх тайвныг тогтоож, хүний эрхийг дээдлэн, хөгжил цэцэглэлийг цогцлоох зорилготой НҮБ гэдэг дэлхийн байгууллагын эрхэм зорилго, үнэт зүйлстэй танилцах, илүү сайн сайхан дэлхийг бий болгоход хувь нэмрээ оруулах нэгэн сайхан боломж юм.

Монгол Улс НҮБ-д гишүүнээр элссэнээс хойших 64 жилийн хамтын ажиллагаа, түншлэлийг бэхжүүлэхэд мөн хувь нэмрээ оруулах юм.

Цаашдаа НҮБ-ын үйл хэргийг дэмжин, үе тэнгийнхнээ манлайлан оролцох сайн дурын ажлын эхлэл болно гэж бид итгэж байна.

НҮБ гэдэг энэхүү байгууллагатай танилцаж, энх тайван, хүний эрх, тогтвортой хөгжил зэрэг сэдвээр суралцах, ярилцлага өрнүүлэх бүтээлч үйл ажиллагааг сургууль, анги хамт олныхоо дунд зохион байгуулахад дэмжлэг болох сургалтын хөтөлбөрийн багш, сурагчдад зориулсан удирдамж, гарын авлагыг доорх холбоосоос татаж авна уу.

Гэхдээ та бүхний шинэлэг санаа, бүтээлч сэтгэлгээ үүгээр хязгаарлагдахгүй гэдэгт итгэлтэй байна.

НҮБ-ын өдрийг бүтээлчээр тэмдэглэсэн сургууль, анги хамт олон үйл ажиллагааны талаарх үр дүнгээс сургуулийнхаа нийгмийн сүлжээгээр хуваалцаарай. Ингэхдээ, НҮБ-ын Facebook хуудсыг дурьдаж болно. 

https://www.facebook.com/unmongolia

Мөн дараах хаштагийг оруулж болно. #UN80 #UNDay2025 #UNMongolia #UNPartnership 

Нэмэлт мэдээлэл:

Видео: https://youtu.be/Rn_fD-OfcMg?si=paja1M2GcclwiuQi 

Вэбсайт: https://www.un.org/en/teach / https://worldslargestlesson.globalgoals.org/