Монгол Улс дахь НҮБ-ын Удирдлагын баг

Tapan Mishra

Тапан Мишра

НҮБ
Монгол Улс дахь НҮБ-ын Суурин Зохицуулагч
Ноён Тапан Мишра нь 2019 оны 9-р сараас хойш Монгол Улс дахь НҮБ-ын Суурин Зохицуулагч (НҮБ СЗ)-ийн албыг хашиж байна. НҮБ-ын Суурин Зохицуулагч нь НҮБ-ын Ерөнхий нарийн бичгийн даргын тушаалаар томилогддог, тухайн Улс дахь НҮБ-ын Хөгжлийн системийн хамгийн өндөр албан тушаалтан бөгөөд тус улсыг хөгжүүлэх чиглэлээр Монгол Улс дахь НҮБ-ын Хамтарсан багийг удирдана. Энэ албан тушаалд томилогдохоос өмнө буюу 2015-2019 онд ноён Мишра БНАСАУ дахь НҮБ-ын Суурин Зохицуулагчийн албыг мөн хашиж байсан. Ноён Тапан Мишра 2003 оноос эхлэн НҮБ-ын системд ажиллаж байгаа бөгөөд энэ хугацаанд НҮБ-ын Хөгжлийн хөтөлбөрт Сургалтын Зөвлөх, Удирдлагын товчооны Хүний нөөцийн албанд Сургалтын нөөцийн төв (СНТ/LRC)-ийн орлогч дарга, 2007-2013 онд Сургалтын нөөцийн төвийн захирал, даргын албыг тус тус хашиж байсан.
vinod Ahuja

Винод Ахужа

ХХААБ
Суурин төлөөлөгч
Ноён Винод Ахужа Монгол Улсад томилогдохоосоо өмнө Бангкок дахь НҮБ-ын ХХААБ-ын Ази, Номхон далайн бүсийн Албанд Мал аж ахуйн бодлогын асуудал хариуцан ажиллаж байсан. Тэрбээр 1998-2009 оны хооронд Энэтхэг Улсын Ахмедабад дахь Удирдлагын Институтэд багшилж байсан бөгөөд 1994-97 онд АНУ-ын Вашингтон дүүрэг дэх Дэлхийн банкинд ажиллаж байжээ. Ноён Винод Ахужа хамтын үйл ажиллагаанд тулгарч буй саад бэрхшээл, ядуурал, орлогын хуваарилалт, хөдөө аж ахуйн үйлчилгээг эдийн засгийн эргэлтэд оруулах, хүнсний аюулгүй байдал, шим тэжээл зэрэг өргөн хүрээг хамарсан олон арван бүтээл туурвисан. Тэрээр Ази тивийн олон тооны төслүүдэд дэмжлэг үзүүлж байсны зэрэгцээ фермерүүдийн жинхэнэ хэрэгцээнд суурилсан нийлүүлэлтийн шинэ шинэ үйлчилгээг бий болгох загваруудыг дэмжихэд чиглэсэн түншлэлийн механизмыг хөгжүүлэхэд хувь нэмэр оруулсан. Ялангяуа ядуу буурай улс орнуудын өрхийн хүнсний аюулгүй байдал, шим тэжээл, эмэгтэйчүүдийн эрх мэдлийг дээшлүүлэх чиглэлээр сүү сүүн бүтээгдэхүн үйлдвэрлэлийн салбарын чадавхийг бэхжүүлэхийг идэвхтэй дэмжиж ирсэн нэгэн юм. Ази тивийн сүү үйлдвэрлэлийн салбарт ноён Винод Ахужагийн оруулсан хувь нэмрийг өндөрөөр үнэлж Тайландын Сүүний фермерийн аж ахуйг дэмжих байгууллагаас талархлын цомоор шагнасныг 2016 оны 1-р сард Тайландын үндэсний сүү, сүүн бүтээгдэхүүний фестивалийн нээлтийн үеэр Эрхэмсэг гүнж Махачакри Сириндхорн гардуулж байжээ. 2017 оны 3-р сард тэрээр VIV Asia үзэсгэлэн яармагаас Ази тивийн сүү үйлдвэрлэлийн салбарын хүндэт зүтгэлтэн шагналыг авч байсан.
Crocetti

Жьюзеппе Крочети

ОУШХБ
Олон улсын шилжилт хөдөлгөөнйи байгууллага (ОУШХБ/IOM) БНХАУ, Монгол Улсыг хариуцсан Товчооны дарга
 
Ноён Жьюзеппе Крочети нь 2018 онд БНХАУ-ын Бээжин хот дахь ОУШХБ-ын Суурин Төлөөлөгчийн газрын тэргүүнээр томилогдсон бөгөөд тэрээр Монгол Улс дахь ОУШХБ-ын хөтөлбөрийг давхар хариуцан ажиллаж байна. Ноён Жьюзеппе Крочети нь хуульч мэргэжилтэй, 2002 онд Ромын Сапиензагийн Их сургуульд Европ судлал, олон улсын харилцааны чиглэлээр магистр цол хамгаалсан. Их сургуулиа төгсмөгц ноён Крочети Италийн Шүүхэд ажиллаж хуульчийн туршлага хуримтлуулсан бөгөөд 2004 онд Руанда дахь геноцидийн асуудлаарх Танзани Улсын Аруша хот дахь Олон улсын эрүүгийн шүүхийн албанд орсон. Цагаачдын эрхийн асуудалд илүүтэй анхаарал хандуулж, олон улсын хүний эрхийн чиглэлээр мэргэшсэн Ноён Крочети Олон улсын шилжилт хөдөлгөөний байгууллага дахь ажлын гараагаа 2005 онд Шри Ланка Улс дахь ОУШХБ-ын төлөөлөгчийн газраас эхэлсэн бөгөөд 2007 он хүртэл тэндээ ажилласан. 2007-2009 онд ноён Крочети Камбож Улсад томилогдож ОУШХБ-ын техникийн хамтын ажиллагааг хөгжүүлэх, шилжилт хөдөлгөөний менежментийн чадавхийг бэхжүүлэхэд чиглэсэн хөтөлбөрийг удирджээ. Улмаар 2009 онд ноён Крочетти Папуа Шинэ Гвиней Улс дахь ОУШХБ-ын Төлөөлөгчийн газрын тэргүүнээр дөрвөн жилийн хугацаанд томилогдон ажиллахдаа ихээхэн үр дүн гаргасан бөгөөд Папуа Шинэ Гвиней Улсыг ОУШХБ-д гишүүнээр элсэхэд ихээхэн хувь нэмэр оруулсан.
Elaine

Илейн М. Конкиевич

НҮБХХ
Суурин төлөөлөгч
Хатагтай Илейн Конкиевич нь 2019 оны 11-р сарын 9-ний өдрөөс эхлэн Монгол Улс дахь НҮБ-ын Хөгжлийн хөтөлбөрийн Суурин төлөөлөгчийн албыг хашиж байна. Өмнө нь 2014 оноос НҮБ-ын Эмэгтэйчүүдийн байгууллагын системд Жендерийн эрх тэгш байдлыг хангах, эмэгтэйчүүдийн эрх мэдлийг бэхжүүлэх чиглэлээр Төв Азийн орнуудыг хамарсан Казахстан дахь Товчооны Тэргүүн, Суурин төлөөлөгчийн албыг хашиж байсан. Түүнчлэн Хатагтай Конкиевич нь Европын аюулгүй байдал, хамтын ажиллагааны байгууллага, (ЕАБХАБ/OSCE), Зүүн Европ, Балкан, Кавказ, Төв Азийн хэд хэдэн улс дахь НҮБ-ын системийн байгууллагууд, олон улсын ТББ-уудад ажиллаж байжээ. Тэрээр засаглал, хүний эрх, хууль дээдлэх ёс, жендэрийн эрх тэгш байдлыг хангах, ардчилсан институцийг бэхжүүлэх, зөрчил мөргөлдөөнийг шийдвэрлэх, урьдчилан сэргийлэх дипломат ажиллагааны чиглэлээр 26 жилийн ажлын туршлагатай, олон улсын хөгжлийн асуудлаар мэргэшсэн мэргэжилтэн юм.
Хатагтай Конкиевич нь Вашингтон дүүрэг дэх Америкийн Их Сургуулийн Олон улс судлалын сургуулийг Зөвлөлт судлал, энх тайван, зөрчил мөргөлдөөнийг шийдвэрлэхэд чиглэсэн Олон улс судлалаар Магистрийн зэргийг “онцгой амжилт” шагналтайгаар эзэмшсэн. Тэрээр бакалаврын зэргийг Герман хэл судлалаар онц дүнтэй эзэмшсэн бөгөөд Орегоны Их сургуулийн Роберт Д.Кларкийн нэрэмжит коллежийг олон улсын харилцаа, Орос хэл болон Зүүн Европ судлалын гэрчилгээтэйгээр төгссөн. Энэ хугацаанд Германы Фрайбургийн Их сургуульд хоёр жил суралцжээ. Хатагтай Конкиевич нь англи, герман, орос хэлийг төгс эзэмшсэн.
Diorditsa

Сергей Диордица

ДЭМБ
Суурин төлөөлөгч
Доктор Сергей Диордица 2017 оны 8-р сарын 2-ны өдрөөс Монгол Улс дахь ДЭМБ-ын Суурин төлөөлөгчийн албыг хашиж эхэлсэн. Энэ албанд томилогдохоосоо өмнө Доктор Диордица ДЭМБ-ын Номхон далайн баруун бүсийн Дархлаажуулалтын хэлтсийн Өргөтгөсөн хөтөлбөрийн зохицуулагчаар зургаан жил ажилласан. Тэрээр 2003-2011 онд Бангладеш Улс дахь ДЭМБ-ын Суурин төлөөлөгчийн газарт Эмнэлгийн ажилтнаар ажиллаж байсан. Доктор Диордица нь Вирус Судлалын Инститүт (IVP) болон ОХУ-ын Москва хот дахь Халуун бүсийн орны Анагаах ухааны хүрээлэнд ажиллаж байгаад 2001 онд ДЭМБ-ын системд орж Дархлаажуулалтын Өргөтгөсөн хөтөлбөрт зөвлөхөөр ажиллаж эхэлсэн. Доктор Диордица Москва хот дахь Анагаах ухааны 1-р Академийг Их эмчийн мэргэжлээр төгссөн. Тэрээр Москва хот дахь Паразитологи болон Халуун бүсийн орны анагаах ухааны хүрээлэнд Анагаах ухааны паразитологи болон Халуун бүсийн орны анагаах ухааны эпидемиологи, Халуун бүсийн орны өвчний хяналт зэрэг чиглэлээр Магистрийн зэрэг эзэмшсэн. Тэрбээр ОХУ-ын Москва хотын Вирус судлалын инститүтэд Вирус судлалаар анагаах ухааны докторын зэрэг хамгаалсан.
Chang-Hee Lee

Чанхи Ли

ОУХБ
ОУХБ-ын БНХАУ, Монгол улсыг хариуцсан товчооны захирал
 
 
 
Др. Чанхи Ли ОУХБ-ын БНХАУ, Монгол улсыг хариуцсан товчооны захирлаар 2021 оны 7 дугаар сарын 1-ээс эхлэн томилогдон ажиллах боллоо. Др. Чанхи Ли нь ОУХБ-ын Женевийн товчоонд 1996 оноос эхлэн ажиллаж, хөдөлмөрийн харилцааны томоохон судалгаануудыг зохион байгуулж, оролцож байлаа. Дараа нь 2000-2006 онд ОУХБ-ын Бангкокийн товчооны Зүүн өмнөд, Зүүн хойд Азийг хариуцсан багт хөдөлмөрийн харилцааны мэргэжилтнээр, 2006-2012 онд ОУХБ-ын Бээжингийн товчоонд БНХАУ, Монгол, Вьетнам улсын хөдөлмөрийн харилцааны асуудлыг хариуцан ажиллаж байлаа. Тэрээр зүүн Азийн орнуудыг хариуцаж байх хугацаандаа хөдөлмөрийн харилцааны бодлогын асуудлуудаар бодлогын зөвлөмж өгч байв. 2012 онд ОУХБ-ын Женевийн товчооны Нэгдсэн бодлогын газарт Ахлах зөвлөхөөр, Хөдөлмөрийн зах зээл, хөдөлмөрийн харилцаа, хөдөлмөрийн нөхцөлийн хэлтэст (INWORK) Хөдөлмөрийн харилцааны ахлах зөвлөхөөр тус тус ажиллаж байв. Др. Чанхи Ли нь ОУХБ-ын Ерөнхий захирлын томилолтоор гишүүн орнуудад явуулж буй үйл ажиллагааны шинэчлэлийн багийн гишүүнээр ажиллаж байлаа. Тэрээр 2015 оноос ОУХБ-ын Вьетнам улсыг хариуцсан товчооны захирлаар ажиллаж байгаад энэ оны 7 сарын 1-ээс эхлэн БНХАУ, Монгол улсыг хариуцсан товчооны захирлаар томилогдоод байна. Чанхи Ли нь Бүгд Найрамдах Солонгос улсын иргэн бөгөөд 1996 онд Сөүлийн Үндэсний их сургуулиас Социологийн ухааны докторын зэрэг (PhD) хүртсэн байна. Тэрээр Япон улсын Токиогийн Их сургуулийн Нийгмийн шинжлэх ухааны институтэд 1993-1995 онд эрдэм шинжилгээний ажилтан, 2010 онд зочин профессороор тус тус ажиллаж байв. Др. Чанхи Ли нь олон улсын эрдэм шинжилгээний сэтгүүлүүдэд хөдөлмөрийн харилцаа, хүний нөөцийн удирдлагын асуудлаар хэд хэдэн өгүүллүүдийг хэвлүүлж байсан. Тэрээр “Шилжилтийн үеийн эдийн засаг дахь хөдөлмөрийн харилцаа – Хүртээмжтэй хөгжлийн асуудлууд” номыг хамтран редакторласан юм (Эдгар, 2018).
Shahbaz Khan

Шабхаз Хан

ЮНЕСКО
Суурин төлөөлөгч
 
Профессор Шахбаз Хан Бээжин дэх ЮНЕСКО-гийн Суурин Төлөөлөгчийн Газрын захирал бөгөөд мөн БНАСУ, БНХАУ, БНСУ, Япон, Монгол зэрэг улсуудад ЮНЕСКО-гийн Суурин төлөөлөгчөөр ажиллаж байна. Проф Хан ЮНЕСКО-ын төв оффист 2008 онд Ус ба Тогтвортой хөгжлийн хэлтсийн даргаар ажиллаж байсан. 2015-2021 онуудад Индонезийн Жакарта дахь Ази, Номхон далайн бүсийн шинжлэх ухааны товчооны захирал, мөн Индонез, Бруней Даруссалам, Малайз, Филиппин болон Зүүн Тимор зэрэг орнуудад ЮНЕСКО-ын Суурин төлөөлөгчөөр ажилласан. Проф Хан Австрали, Франц, Индонези, Пакистан зэрэг орнуудад олон чиглэлийн судалгаа шинжилгээны ажилд оролцож, бодлогын зөвлөхөөр ажилласан туршлагатай. Тэрээр Австралийн Чарльз Стуртын их сургуулийн профессор, захирлын ажил эрхэлж байсан. Түүний эрдэм шинжилгээний ажлууд өргөнөөр хүлээн зөвшөөрөгдөж, 2019 онд Хятадын найрамдлын шагнал, 2017 онд Хятадын Цагаан хэрэм найрамдлын шагнал хүртжээ. Мөн 2016 онд Ази, Номхон далайн бүсийн инженерийн байгууллагуудын холбооны оны шилдэг инженерийн шагнал, 2009 онд Усны эрсдэлийг бууруулах ЮНЕСКО-ийн багийн шагнал, 2007 онд Авсрталийн Газар Усны Eureka шагнал, 2007 онд Хамтын нөхөрлөлийн эрдэм шинжилгээ, үйлдвэрлэлийн судалгааны байгууллагын медал, Австрали, Шинэ Зеландын Загварчлал, симуляцын нийгэмлэгийн хоёр жилд нэг удаа олгодог медалаар тус тус шагнуулсан. Профессор Шахбаз Хан одоогоор Канберрагийн Их Сургуулийн туслах профессороор ажиллаж байгаа. Австралийн Баруун Сиднейн их сургууль, Шинэ Зеландын Линкольны их сургуулийн профессор, Пакистаны Шинжлэх ухааны үндэсний их сургуулийн хүндэт профессор, Хятадын Капитал Багшийн Их сургуулийн хүндэт профессор цолтой. Профессор Шахбаз Хан нь 1990 онд Пакистан улсын Лахор хотын Инженерийн Технологийн Их сургуулийн Инженерийн Иргэний инженерчлэлийн бакалаврын зэрэг хамгаалсан. Нэгдсэн Вант Улсын Бирмингемийн Их сургуулийн Усны нөөцийн технологи, менежментийн чиглэлээр 1992 онд Шинжлэх ухааны магистр, 1995 онд Барилгын инженерийн доктор зэрэг хамгаалсан. Тэрээр мөн Австралийн Макварийн их сургуулийн Олон улсын хүрээлэн буй орчны хуулийн чиглэлээр магистрийн зэрэг, 2007 онд Лондонгийн Империал коллежийн Хэрэглээний хүрээлэн буй орчны эдийн засгийн чиглэлээр мастерийн зэрэг хамгаалсан. 2016 онд Малайзын Үндэсний Их Сургуулийн Хүндэт доктор, 2018 онд Бирмингемийн Их сургуулийн Хүндэт докторын зэрэг хүртсэн.